浪子的生涯
《浪子的生涯》Lōng-tsú ê Sing-gâi
李峰Lí Hong
——————————————
看日頭欲落西
kuànn ji̍t-thâu bueh lo̍h-sai
行在浪子的生涯
kiânn tsāi lōng-tsú ê sing-gâi
男兒的成功失敗
lâm-jî ê sîng-kong sit-pāi
只靠運命安排
tsí khò ūn-miā an-pâi
為著環境變歹
uī-tio̍h khuân-kíng piàn pháinn
為著纏綿情愛
uī-tio̍h tînn-mî tsîng-ài
不得已奔波四海
put-tik-í phun-pho sù-hái
有啥人對阮了解
ū siánn-lâng tuì gún liáu-kái
了解浪子的生涯
liáu-kái lōng-tsú ê sing-gâi
流浪人心肝內
liû-lōng-lâng sim-kuann lāi
痛苦滋味啥人知
thòng-khóo tsu-bī siánn-lâng tsai
我已經看破情愛
guá í-king khuànn-phuà tsîng-ài
認真拍拚將來
jīn-tsin phah-piànn tsiong-lâi
聽著夜蟲哭聲
thiann-tio̍h iā-thâng khàu-siann
引阮流出目屎
ín gún lâu-tshut ba̍k-sái
為啥物我也悲哀
uī-siánn-mih guá iā pi-ai
月娘啊請你安排
ge̍h-niû–ah tshiánn lí an-pâi
安排浪子的將來
an-pâi lōng-tsú ê tsiong-lâi
