苦戀情侶
《苦戀情侶》Khóo-luân Tsîng-lī
古青Kóo-tshing
——————————————
查某囡仔你幾歲
tsa-bóo-gín-á lí kuí hè
毋知嫁翁抑是未
m̄-tsai kè-ang ia̍h-sī buē
你未嫁我也未娶
lí buē kè guá iā buē tshuā
十七八歲真?大
tsa̍p-tshit-pueh hè tsin gâu tuā
希望你來嫁予我
hi-bāng lí lâi kè hōo guá
請你相信我
tshiánn lí siong-sìn guá
酒無啉筊仔無跋
tsiú bô lim kiáu-á bô pua̍h
嫁我會快活
kè guá ē khuìnn-ua̍h
查某囡仔真古錐
tsa-bóo-gín-á tsin kóo-tsui
予我愈看愈佮意
hōo guá jú khuànn jú kah-ì
你毋嫁我也毋娶
lí m̄ kè guá iā m̄ tshuā
兩人當天來咒誓
nn̄g-lâng tng thinn lâi tsiù-tsuā
希望你毋通袂記
hi-bāng lí m̄-thang buē-kì
月娘做證據
ge̍h-niû tsuè tsìng-kì
純情義毋願分離
sûn tsîng-gī m̄-guān hun-lî
永遠我愛你
íng-uán guá ài lí
查某囡仔有意愛
tsa-bóo-gín-á ū ì-ài
可惜環境來阻礙
khó-sioh huân-kíng lâi tsóo-ngāi
你爸母要求五萬
lí pē-bú iau-kiû gōo-bān
予我愈想愈怨嘆
hōo guá jú siūnn jú uàn-thàn
雖然你有情有義
sui-jiân lí ū-tsîng ū-gī
我真了解你
guá tsin liáu-kái lí
望將來會得娶你
bāng tsiong-lâi ē-tit tshuā lí
一生疼惜你
it-sing thiànn-sioh lí
