悲情酒女夢
《悲情酒女夢》Pi-tsîng Tsiú-lú Bāng
尤君Iû Kun
——————————————
阮今夜又是
gún kim-iā iū-sī
踮在這間酒場內
tiàm-tsāi tsit king tsiú-tiûnn lāi
青紅燈陪伴阮
tshinn-âng-ting puê-phuānn gún
心情袂自在
sim-tsîng buē tsū-tsāi
彼个人聲聲句句
hit ê lâng siann-siann-kù-kù
叫阮著忍耐
kiò gún tio̍h jím-nāi
所以阮專心忍耐
sóo-í gún tsuan-sim jím-nāi
專心咧期待
tsuan-sim teh kî-thāi
真無疑自從彼暝
tsin bô-gî tsū-tsiông hit-mî
真無疑自從彼暝
tsin bô-gî tsū-tsiông hit-mî
你猶攏無來
lí iû lóng bô lâi
↓↓—(口白)—↓↓
雖然你聲聲句句
sui-jiân lí siann-siann-kù-kù
叫阮著忍耐
kiò gún tio̍h jím-nāi
但是為怎樣咧
tān-sī uī-tsuánn-iūnn–leh
偏偏害阮心憂愁
phian-phian hāi gún sim iu-tshiû
啊！ah!
↑↑—(口白)—↑↑
伊聽著阮
i thiann-tio̍h gún
是一个田庄的姑娘
sī tsi̍t-ê tshân-tsng ê koo-niû
為環境來所迫
uī khuân-kíng lâi sóo pik
才著踮酒場
tsiah tio̍h tiàm tsiú-tiûnn
彼一暝聲聲句句
hit tsi̍t-mî siann-siann-kù-kù
對阮來擔憂
tuì gún lâi tam-iu
表明伊滿腹心意
piáu-bîng i muá-pak sim-ì
叫阮著接受
kiò gún tio̍h tsiap-siū
你因何顛倒害人
lí in-hô tian-tò hāi lâng
你因何顛倒害人
lí in-hô tian-tò hāi lâng
加添心哀愁
ka-thiam sim ai-tshiû
↓↓—(口白)—↓↓
今暗今暗
kim-àm kim -àm
你哪會無來咧
lí ná ē bô lâi–leh
到底是為怎樣
tàu-té sī uī-tsuánn-iūnn
苦命的花蕊
khóo-miā ê hue-luí
啥物人會同情咧
siánn-mih lâng ē tông-tsîng–leh
↑↑—(口白)—↑↑
阮今夜想欲看破
gún kim-iā siūnn-beh khuànn-phuà
燒酒啉茫茫
sio-tsiú lim bâng-bâng
音樂聲了解
im-ga̍k siann liáu-kái
阮心內的苦嘆
gún sim-lāi ê khóo-thàn
自彼日聲聲句句
tsū hit ji̍t siann-siann-kù-kù
叫著伊一人
kiò tio̍h i tsi̍t-lâng
每暗也情意綿綿
muí-àm iā tsîng-ì mî-mî
予阮來入夢
hōo gún lâi ji̍p-bāng
有啥人真正同情
ū siánn-lâng tsin-tsiànn tông-tsîng
有啥人真正同情
ū siánn-lâng tsin-tsiànn tông-tsîng
苦命的花欉
khóo-miā ê hue-tsâng
