因為我愛你
《因為我愛你》In-uī Guá Ài Lí
文鶯Bûn-ing(黃翠媚N̂g Tshuì-bī)
——————————————
我有一日
guá ū-tsi̍t-ji̍t
踮路邊見著你
tiàm lōo-pinn kìnn-tio̍h lí
有心想欲佮你做友誼
ū-sim siūnn-beh kah lí tsuè iú-gî
你親像無看見
lí tshin-tshiūnn bô khuànn–kìnn
一个頭殼激敧敧
tsi̍t-ê thâu-khak kik khi-khi
我實在佮意你
guá si̍t-tsāi kah-ì lí
想欲來熟似你
siūnn-beh lâi si̍k-sāi lí
咱來做著朋友
lán lâi tsuè tio̍h pîng-iú
真趣味
tsin tshù-bī
誰知影你感覺了不起
siáng tsai-iánn lí kám-kak liáu-put-khí
一个頭殼激敧敧
tsi̍t-ê thâu-khak kik khi-khi
我情願為你忍著氣
guá tsîng-guān uī lí jím tio̍h khì
這是因為我愛你
tse sī in-uī guá ài lí
又閣一日
iū-koh tsi̍t-ji̍t
踮路邊見著你
tiàm lōo-pinn kìnn-tio̍h lí
你的目睭
lí ê ba̍k-tsiu
對我有注意
tuì guá ū tsù-ì
若親像有看見
ná-tshin-tshiūnn ū khuànn–kìnn
開始對我牽情絲
khai-sí tuì guá khan tsîng-si
我實在佮意你
guá si̍t-tsāi kah-ì lí
心內是真愛你
sim-lāi sī tsin ài lí
我並無來對你發脾氣
guá pīng bô lâi tuì lí huat-phî-khì
只要你毋通調皮
tsí-iàu lí m̄-thang tiáupí
你講啥物答應你
lí kóng siánn-mih tah-ìng lí
我情願為你
guá tsîng-guān uī lí
忍受氣
jím-siū khì
這是因為我愛你
tse sī in-uī guá ài lí
