咖啡芳
《咖啡芳》Ka-pi-phang
謝雷Siā Luî
——————————————
彼日流汗少年人
hit-ji̍t lâu-kuānn siàu-liân-lâng
日頭照後大雨淋
ji̍t-thâu tsiò āu tuā-hōo lâm
春風吹過秋霜凍
tshun-hong tshue–kuè tshiu-sng tàng
如今變成白頭鬃
jû-kim piàn-sîng pe̍h thâu-tsang
青春攏無來相送
tshing-tshun lóng bô lâi sio-sàng
匆匆流過手指縫
tshong-tshong lâu kuè tshiú-tsí phāng
歲月親像一場夢
suè-gua̍t tshin-tshiūnn tsi̍t-tiûnn bāng
夢醒清風散西東
bāng tshínn tshing-hong sàn se-tang
時間像溪水
sî-kan tshiūnn khe-tsuí
溪水映身影
khe-tsuí ìng sin-iánn
看見了
khuànn-kìnn liáu
親像相片反黃啊
tshin-tshiūnn siòng-phìnn huán-n̂g–ah
時間的溪水
sî-kan ê khe-tsuí
溪水流的聲
khe-tsuí lâu ê siann
親像毋捌回頭的尾幫車
tshin-tshiūnn m̄-bat huê-thâu ê bé-pang-tshia
目一个?
ba̍k tsi̍t-ê nih
閣過一冬
koh kuè tsi̍t-tang
回頭去看
huê-thâu khì khuànn
百花紅
pah-hue âng
繁華轉眼
huân-huâ tsuán-gán
攏是空
lóng-sī khang
不如眼前咖啡芳
put-jû gán-tsiân ka-pi-phang
