再會心所愛的人
https://www.youtube.com/watch?v=rCMNOFjk9es
《再會心所愛的人》Tsài-huē Sim Sóo Ài ê Lâng
文夏Bûn-hā
——————————————
放著你在故鄉
pàng tio̍h lí tsāi kòo-hiong
我就欲去他鄉
guá tsiū beh khì thann-hiong
聽起著北風吹
thiann-khí tio̍h pak-hong tshue
加添阮心悲傷
ka-thiam gún sim pi-siong
再會啦再會啦
tsài-huē–lah tsài-huē–lah
毋通怨嘆我是
m̄-thang uàn-thàn guá sī
無情的男兒
bô-tsîng ê lâm-jî
為前途求光明
uī tsiân-tôo kiû kong-bîng
請你著原諒
tshiánn lí tio̍h guân-liōng
咱兩人的相愛
lán nn̄g-lâng ê siong-ài
像一對的鴛鴦
tshiūnn tsi̍t-tuì ê uan-iunn
一時的拆分離
tsi̍t-sî ê thiah hun-lî
一定是真艱苦
it-tīng sī tsin kan-khóo
再會啦再會啦
tsài-huē–lah tsài-huē–lah
毋通怨嘆我是
m̄-thang uàn-thàn guá sī
無情的男兒
bô-tsîng ê lâm-jî
訴不盡的情意
sòo put-tsīn ê tsîng-ì
越頭看倒去
ua̍t-thâu khuànn tó–khì
異鄉的夜都市
ī-hiong ê iā too-tshī
落著雨的暗暝
lo̍h tio̍h hōo ê àm-mî
點點的雨水滴
tiám-tiám ê hōo-tsuí tih
引我流落目屎
ín guá lâu-lo̍h ba̍k-sái
再會啦再會啦
tsài-huē–lah tsài-huē–lah
毋通怨嘆我是
m̄-thang uàn-thàn guá sī
無情的男兒
bô-tsîng ê lâm-jî
請等待相會時
tshiánn tán-thāi siong-huē sî
心所愛的人
sim sóo ài ê lâng
