故鄉無限好
https://www.youtube.com/watch?v=3NmUAUNzwZk
《故鄉無限好》Kòo-hiong Bû-hān Hó
劉素娥Lâu Sòo-ngôo(尤華Iû-huâ)
——————————————
自從彼日離開故鄉
tsū-tsiông hit-ji̍t lī-khui kòo-hiong
毋捌一日無想起
m̄-pat tsi̍t-ji̍t bô siūnn-khí
親愛的爸爸媽媽
tshin-ài ê pá-pah má-mah
可愛彼个小弟弟
khó-ài hit ê sió-tī-tī
雖然是每日坐火車
sui-jiân sī muí-ji̍t tsē hé-tshia
遊山玩水真趣味
iû-san uán-suí tsin tshìr-bī
怎樣阮行入旅社
tsuánn-iūnn gún kiânn-ji̍p lú-siā
就來感覺稀微
tsiū lâi kám-kak hi-bî
孤一个行來窗邊
koo tsi̍t-ê kiânn lâi thang-pinn
看月算天星
khuànn ge̍h sǹg thinn-tshinn
彼日逐家來到臺南
hit-ji̍t ta̍k-ke lâi-kàu Tâi-lâm
遊賞古蹟真濟項
iû-siúnn kóo-tsik tsin tsuē hāng
優美的古城赤崁
iu-bí ê kóo-siânn Tshiah-khàm
最上滿足阮希望
tsuè-siōng buán-tsiok gún hi-bāng
南都的公園水池邊
Lâm-to ê kong-hn̂g tsuí-tî pinn
美麗景色真動人
bí-lē kíng-sik tsin tōng-lâng
怎樣阮彼暝
tsuánn-iūnn gún hit-mî
猶原心頭攏袂輕鬆
iu-guân sim-thâu lóng buē khin-sang
半暝來夢見故鄉
puànn-mî lâi bāng-kìnn kòo-hiong
醒來心茫茫
tshínn–lâi sim bâng-bâng
親像昨暝忽然落雨
tshin-tshiūnn tsa-mî hut-jiân lo̍h-hōo
老師伴阮在房內
lāu-sir phuānn gún tsāi pâng-lāi
規暝來唸歌跳舞
kui-mî lâi liām-kua thiàu-bú
講著故事鬧啋啋
kóng-tio̍h kòo-sū nāu tshái-tshái
雖然是節目真稀奇
sui-jiân sī tsiat-bo̍k tsin hi-kî
逐家快樂笑咍咍
ta̍k-ke khuài-lo̍k tshiò hai-hai
怎樣阮攏無趣味
tsuánn-iūnn gún lóng bô tshìr-bī
心內暗中期待
sim-lāi àm-tiong kî-thāi
早一日轉來接受
tsá-tsi̍t-ji̍t tńg-lâi tsiap-siū
媽媽的慈愛
má-mah ê tsû-ài
