袂堪
《袂堪》Buē-kham
辦桌二人組Pān-toh Jī-jîn-tsoo
——————————————
月色暗淡
gue̍h-sik àm-tām
路燈遮爾暗
lōo-ting tsiah-nī àm
為啥人佇咧怨嘆
uī siánn-lâng tī-leh uàn-thàn
雨水淋
hōo-tsuí lâm
傷心又絕望
siong-sim iū tsua̍t-bāng
欲了斷
beh liáu-tuān
才知困難
tsiah tsai khùn-lân
看恁兩人
khuànn lín nn̄g-lâng
雨中攬絚絚
hōo-tiong lám ân-ân
我的心
guá ê sim
袂當歇喘
buē-tàng hioh-tshuán
我的愛
guá ê ài
對你是負擔
tuì lí sī hū-tam
所以你去愛別人
sóo-í lí khì ài pa̍t-lâng
袂堪看你
buē-kham khuànn lí
愛伊像愛我仝款
ài i tshiūnn ài guá kāng-khuán
這款手段
tsit khuán tshiú-tuānn
太粗殘
thài tshoo-tshân
袂堪看伊
buē-kham khuànn i
將你牽手毋願放
tsiong lí khan-tshiú m̄-guān pàng
欲慼心無遮簡單
beh tsheh-sim bô tsiah kán-tan
祝恁兩人
tsiok lín nn̄g-lâng
幸福到永遠
hīng-hok kàu íng-uán
你快樂
lí khuài-lo̍k
我甘願
guá kam-guān
