等待春天
《等待春天》Tán-thāi Tshun-thinn
辦桌二人組Pān-toh Jī-jîn-tsoo
——————————————
有一句話
ū tsi̍t-kù uē
從來毋捌講出喙
tsiông-lâi m̄-bat kóng tshut-tshuì
雖然是
sui-jiân sī
短短三个字
té-té sann-ê jī
阮真心對你講
gún tsin-sim tuì lí kóng
講出我愛你
kóng-tshut guá ài lí
請你愛接受阮心意
tshiánn lí ài tsiap-siū gún sim-ì
期待著咱的春天
kî-thāi tio̍h lán ê tshun-thinn
幸福是遮爾仔芳甜
hīng-hok sī tsiah-nī-á phang-tinn
雖然外面猶原是
sui-jiân guā-bīn iu-guân sī
真寒冷的冬天
tsin hân-líng ê tang-thinn
咱猶原
lán iu-guân
真快樂過日子
tsin khuài-lo̍k kuè ji̍t-tsí
等待著咱的春天
tán-thāi tio̍h lán ê tshun-thinn
會早日來到咱身邊
ē tsá-ji̍t lâi-kàu lán sin-pinn
毋驚風雨吹規暝
m̄-kiann hong-hōo tshue kui-mî
你愛我
lí ài guá
我愛你
guá ài lí
春天就早慢會到位
tshun-thinn tiō tsá-bān ē kàu-uī
