冷淡的都市
《冷淡的都市》Líng-tām ê Too-tshī
辦桌二人組Pān-toh Jī-jîn-tsoo
——————————————
龍)
天頂只有一粒星
thinn-tíng tsí-ū tsi̍t-lia̍p tshinn
歇踮雲邊咧閃爍
hioh tiàm hûn-pinn teh siám-sih
毋知伊心內
m̄-tsai i sim-lāi
咧想啥物
teh siūnn siánn-mih
傑)
一杯燒茶捀過暝
tsi̍t-pue sio-tê phâng kuè-mî
早就失去了芳味
tsá tiō sit-khì liáu phang-bī
只賰沉底的苦澀滋味
tsí tshun tîm-té ê khóo-siap tsu-bī
龍)
你我愛過幾若年
lí guá ài kuè kuí-lō nî
越頭袂堪講啥物
ua̍t-thâu buē-kham kóng siánn-mih
一段感情
tsi̍t-tuānn kám-tsîng
親像一齣戲
tshin-tshiūnn tsi̍t-tshut hì
傑)
愛情愈來愈無味
ài-tsîng jú lâi jú bô-bī
熱情早就離開身邊
jia̍t-tsîng tsá tiō lī-khui sin-pinn
雄雄驚醒
hiông-hiông kiann tshínn
又經過一年
iū king-kuè tsi̍t-nî
龍)
這个冷淡的都市
tsit ê líng-tām ê too-tshī
充滿無情的把戲
tshiong-buán bô-tsîng ê pá-hì
真情的人
tsin-tsîng ê lâng
到底是走去佗位
tàu-té sī tsáu-khì tó-uī
傑)
風吹目屎無注意
hong tshue ba̍k-sái bô tsù-ì
洩漏寂寞的氣味
sia̍p-lāu tsi̍k-bo̍k ê khì-bī
有情無情
ū-tsîng bô-tsîng
早慢也著會分開
tsá-bān iā tio̍h ē hun-khui
