頂一个城市
《頂一个城市》Tíng Tsi̍t-ê Siânn-tshī
辦桌二人組Pān-toh Jī-jîn-tsoo
——————————————
街仔頭冷清清
ke-á-thâu líng-tshing-tshing
閣是落雨的暗暝
koh sī lo̍h-hōo ê àm-mî
毋知行佗去
m̄-tsai kiânn toh khì
霓虹燈閃閃爍
nê-ông-ting siám-siám-sih
敢是咧對我提醒
kám-sī teh tuì guá thê-tshínn
愛你莫放袂記
ài lí mài pàng-buē-kì
思念是我唯一
su-liām sī guá uî-it
上蓋簡單的行李
siōng-kài kán-tan ê hîng-lí
恬恬來離開
tiām-tiām lâi lī-khui
雙人的眠床邊
siang-lâng ê bîn-tshn̂g pinn
若是無你的日子
nā-sī bô lí ê ji̍t-tsí
留戀也無意義
liû-luân iā bô ì-gī
來到這生份的城市
lâi-kàu tse tshinn-hūn ê siânn-tshī
揣一个
tshuē tsi̍t-ê
會當想你的位
ē-tàng siūnn lí ê uī
點一杯烏咖啡
tiám tsi̍t-pue oo-ka-pi
欣賞別人的甜蜜
him-sióng pa̍t-lâng ê tinn-bi̍t
踮這个生份的城市
tiàm tsit ê tshinn-hūn ê siânn-tshī
揣袂著佮你仝款的味
tshuē buē-tio̍h kah lí kāng-khuán ê bī
過去咱的愛情
kuè-khì lán ê ài-tsîng
誰將伊
siáng tsiong i
留踮頂一个城市
lâu tiàm tíng tsi̍t-ê siânn-tshī
