送君心酸酸
《送君心酸酸》Sàng Kun Sim Sng-sng
邱蘭芬Khu Lân-hun
——————————————
送著郎君到門口
sàng tio̍h lông-kun kàu mn̂g-kháu
心酸又激喉
sim sng iū kik-âu
外面風雨又閣透
guā-bīn hong-hōo iū-koh thàu
請君暫等候
tshiánn kun tsiām tán-hāu
這陣風雨過了後
tsit-tsūn hong-hōo kuè liáu-āu
才通轉恁兜
tsiah thang tńg lín tau
心愛的人
sim-ài ê lâng
去了後
khì liáu-āu
毋通無回頭
m̄-thang bô huê-thâu
叫聲心愛著保重
kiò siann sim-ài tio̍h pó-tiōng
心酸又悲傷
sim sng iū pi-siong
為著生活的理想
uī-tio̍h sing-ua̍h ê lí-sióng
留戀啥路用
liû-luân siánn lōo-iōng
爸母命令愛順從
pē-bú bīng-līng ài sūn-tsiông
著愛回故鄉
tio̍h-ài huê kòo-hiong
你咱情份著堅強
lí lán tsîng-hūn tio̍h kian-kiông
毋通無慎重
m̄-thang bô sīn-tiōng
