酒女花
《酒女花》Tsiú-lú-hue
于櫻櫻Î Ing-ing
——————————————
芬芳的燒酒
hun-hong ê sio-tsiú
一杯又一杯
tsi̍t-pue iū tsi̍t-pue
酒場內就是
tsiú-tiûnn lāi tsiū-sī
五彩傷心地
ngóo-tshái siong-sim tē
燒酒一杯又一杯
sio-tsiú tsi̍t-pue iū tsi̍t-pue
愈啉愈怨慼
jú lim jú uàn-tshueh
環境造成
khuân-kíng tsō-sîng
阮才來做著酒女花
gún tsiah lâi tsuè tio̍h tsiú-lú-hue
為怎樣逼阮
uī-tsuánn-iūnn pik gún
一杯又一杯
tsi̍t-pue iū tsi̍t-pue
燒熱的目屎
sio-jia̍t ê ba̍k-sái
暗暗墜落地
àm-àm tuī lo̍h-tuē
為錢一杯又一杯
uī tsînn tsi̍t-pue iū tsi̍t-pue
酒醉頭頕垂
tsiú-tsuì thâu tàm-suê
世間啥人會當來
sè-kan siánn-lâng ē-tàng lâi
同情酒女花
tông-tsîng tsiú-lú-hue
↓↓(口白)—(口白)↓↓
人生如夢
jîn-sing jû bāng
在這五彩傷心的
tsāi tse ngóo-tshái siong-sim ê
酒場內
tsiú tiûnn lāi
阮也已經享受著
gún iā í-king hiáng siū-tio̍h
鹹酸苦汫的滋味囉
kiâm sng khóo tsiánn ê tsu-bī–looh
但是在這茫茫的人海
tān-sī tsāi tse bâng-bâng ê jîn-hái
啥人會當來
siánn-lâng ē-tàng lâi
同情著酒花女呢
tông-tsîng tio̍h tsiú-hue-lú–neh
↑↑(口白)—(口白)↑↑
為錢一杯又一杯
uī tsînn tsi̍t-pue iū tsi̍t-pue
酒醉頭頕垂
tsiú-tsuì thâu tàm-suê
世間啥人
sè-kan siánn-lâng
會當來同情酒女花
ē-tàng lâi tông-tsîng tsiú-lú-hue
