為啥物離開我
《為啥物離開我》Uī-siánn-mih Lī-khui Guá
于櫻櫻Î Ing-ing
——————————————
心愛你是去佗位
sim-ài lí sī khì tó-uī
予我四界揣無你
hōo guá sì-kè tshuē-bô lí
為啥物離開我
uī-siánn-mih lī-khui guá
放我一个咧孤單
pàng guá tsi̍t-ê teh koo-tuann
心愛你是去佗位
sim-ài lí sī khì tó-uī
害我每日思念你
hāi guá muí-ji̍t su-liām lí
為啥物離開我
uī-siánn-mih lī-khui guá
滿腹委屈無地講
muá-pak uí-khut bô-tè kóng
你敢毋知
lí kám m̄-tsai
咱過去一段情
lán kuè-khì tsi̍t-tuānn tsîng
永遠難袂記
íng-uán lân buē-kì
我是真心咧愛你
guá sī tsin-sim teh ài lí
毋敢放袂記
m̄-kánn pàng-buē-kì
請你轉來阮身軀邊
tshiánn lí tńg-lâi gún sin-khu-pinn
