可憐的青春
《可憐的青春》Khó-liân ê Tshing-tshun
鄭寶珠Tēnn Pó-tsu
——————————————
青春時代
tshing-tshun sî-tāi
歡喜蝴蝶夢
huann-hí ôo-tia̍p bāng
薄命環境
po̍k-bīng khuân-kíng
野蜂奪花欉
iá-phang tua̍t hue-tsâng
為爸為母
uī pē uī bú
將著進前放
tsiong tio̍h tsìn-tsîng pàng
耽誤青春
tam-gōo tshing-tshun
反悔一世人
huán-hué tsi̍t-sì-lâng
君亡囝幼
kun bông kiánn iù
四邊無依倚
sì-pinn bô i-uá
針線度苦
tsiam-suànn tōo khóo
天光吼枵寒
thinn kng háu iau-kuânn
想囝將來
siūnn kiánn tsiong-lâi
青春願守寡
tshing-tshun guān tsiú-kuá
暝日悽慘
mî-ji̍t tshi-tshám
唱著搖囝歌
tshiùnn tio̍h iô-kiánn-kua
萬種憂愁
bān-tsióng iu-tshiû
世間人情冷
sè-kan jîn-tsîng líng
風波難關
hong-pho lân-kuan
受盡幾十重
siū-tsīn kuí-tsa̍p tîng
想著自身
siūnn-tio̍h tsū-sin
這世離不幸
tsit sè lī put-hīng
向望予囝
ǹg-bāng hōo kiánn
自由享人生
tsū-iû hiáng jîn-sing
