世間
《世間》Sè-kan
鄭進一 Tēnn Tsìn-it
——————————————
(口白)—–↓
宇宙銀河界無限
ú-tiū gîn-hô kài bû-hān
天生萬物名世間
thian sing bān-bu̍t bîng sè-kan
地養眾生輪迴轉
tē ióng tsiòng-sing lûn-huê tsuán
人在世間受苦難
jîn tsāi sè-kan siū khóo-lān
世態炎涼人情淡
sè-thài iâm-liâng jîn-tsîng tām
人心不足因為貪
jîn-sim put-tsiok in-uī tham
天若感世原諒咱
thian jio̍k kám-sè guân-liōng lán
可嘆啊可嘆
khó-thàn–ah khó-thàn
人無一物向天還
lâng bô it-bu̍t hiòng thian huân
世間世間
sè-kan sè-kan
目藥罐仔上細矸啦
ba̍k-io̍h kuàn-á siōng sè kan–lah
(口白)—–↑
世間啊世間
sè-kan–ah sè-kan
人情啊冷暖
jîn-tsîng–ah líng-luán
世態炎涼
sè-thài iâm-liâng
驚死的緊旋
kiann-sí–ê kín suan
世事如棋啊
sè-sū jû-kî–ah
變化多端
piàn-huà to-tuan
世情若欲看破
sè-tsîng nā beh khuànn-phuà
神仙嘛難
sîn-sian mā lân
世間啊世間
sè-kan–ah sè-kan
愈來愈亂
jú lâi jú luān
世面若䆀
sè-bīn nā bái
巧的先旋
khiáu–ê sing suan
世上道理啊
sè-siōng tō-lí–ah
一人啊一款
tsi̍t-lâng–ah tsi̍t-khuán
世界末日啊
sè-kài bua̍t-ji̍t–ah
與我何干
í ngóo hô kan
為何咱這个可愛的世間
uī-hô lán tsit-ê khó-ài ê sè-kan
想做總統有遐濟人
siūnn tsò tsóng-thóng ū hiah tsē lâng
有人講
ū-lâng kóng
這有啥物希罕
tse ū siánn-mih hi-hán
阮兜凹鼻的嘛欲選
gún-tau nah-phīnn–ê mā beh suán
橫直誰牢攏仝款
huînn-ti̍t siáng tiâu lóng kāng-khuán
為何咱這个可愛的世間
uī-hô lán tsit-ê khó-ài ê sè-kan
海邊仔定定飛來炸彈
hái-pinn-á tiānn-tiānn pue lâi tsà-tân
有人講
ū-lâng kóng
這有啥物希罕
tse ū siánn-mih hi-hán
叫咱恬恬較無蠓
kiò lán tiām-tiām khah bô-báng
誰教咱著較細漢
siáng kà lán tio̍h khah sè-hàn
為何咱這个可愛的世間
uī-hô lán tsit-ê khó-ài ê sè-kan
違規營業的掠袂完
uî-kui îng-gia̍p–ê lia̍h bē uân
有人講
ū-lâng kóng
這有啥物希罕
tse ū siánn-mih hi-hán
敢有比這號較好趁
kám ū pí tsit-lō khah hó-thàn
伊有親情做議員
i ū tshin-tsiânn tsuè gī-uân
為何咱這个可愛的世間
uī-hô lán tsit-ê khó-ài ê sè-kan
厝價起甲遐爾懸
tshù-kè khí kah hiah-nī kuân
有人講
ū-lâng kóng
這有啥物希罕
tse ū siánn-mih hi-hán
莫食莫穿儉三冬
mài tsia̍h mài tshīng khiām sann-tang
嘛無夠通付頭期款
mā bô-kàu thang hù thâu-kî-khuán
為何咱這个可愛的世間
uī-hô lán tsit-ê khó-ài ê sè-kan
駛車比龜咧趖較慢
sái-tshia pí ku leh sô khah bān
有人講
ū-lâng kóng
這有啥物希罕
tse ū siánn-mih hi-hán
好膽你看上下班
hó-tánn lí khuànn shàngxiàbān
已經當選世界奇觀
í-king tòng-suán shìjiècíguān
為何咱這个可愛的世間
uī-hô lán tsit-ê khó-ài ê sè-kan
錢寄銀行無保險
tsînn kià gîn-hâng bô pó-hiám
有人講
ū-lâng kóng
這有啥物希罕
tse ū siánn-mih hi-hán
農會夆領錢險破產
lông-huē hông niá-tsînn hiám phò-sán
上好攏寄我較安全
siōng-hó lóng kià guá khah an-tsuân
世間的人啊
sè-kan ê lâng–ah
何必絕望
hô-pit tsua̍t-bāng
世上的心
sè-siōng ê sim
先撨予仝款
sing tshiâu hōo kāng-khuán
世間的好啊
sè-kan ê hó–ah
著靠你咱
tio̍h khò lí lán
世界的圓滿
sè-kài ê uân-buán
咱的心願
lán ê sim-guān
