人生路
《人生路》Jîn-sing Lōo
鄭琇月 Tēnn Siù-gua̍t
——————————————
行在人生的道路
kiânn tsāi jîn-sing ê tō-lōo
事事項項著斟酌
sū-sū-hāng-hāng tio̍h tsim-tsiok
毋通一時來糊塗
m̄-thang tsi̍t-sî lâi hôo-tôo
才袂恨千古
tsiah buē hūn tshian-kóo
仙人拍鼓有時錯
sian-jîn phah-kóo ū-sî tshò
跤步踏差啥人無
kha-pōo ta̍h-tsha siánn-lâng bô
認清方向
jīn-tshing hong-hiòng
澈底覺悟
thiat-tué kak-gōo
勇敢行出光明路
ióng-kám kiânn tshut kong-bîng lōo
坎坷人生路彎轉
khám-khia̍t jîn-sing lōo uan-tsuán
運命好歹免怨嘆
ūn-miā hó-pháinn bián uàn-thàn
負起責任照起工
hū khí tsik-jīm tsiàu-khí-kang
才是男子漢
tsiah-sī lâm-tsú-hàn
翁某做陣一世人
ang-bóo tsuè-tīn tsi̍t-sì-lâng
同甘同苦到永遠
tông-kam tông-khóo kàu íng-uán
只望以後好好做人
tsí bāng í-āu hó-hó tsuè-lâng
甘願忍受度難關
kam-guān jím-siū tōo lân-kuan
仙人拍鼓有時錯
sian-jîn phah-kóo ū-sî tshò
跤步踏差啥人無
kha-pōo ta̍h-tsha siánn-lâng bô
認清方向
jīn-tshing hong-hiòng
澈底覺悟
thiat-tué kak-gōo
勇敢行出光明路
ióng-kám kiânn tshut kong-bîng lōo
