彼暝的咒誓
《彼暝的咒誓》Hit Mî ê Tsiù-tsuā
鄭君威Tēnn Kun-ui
——————————————
到底啥物人
tàu-té siánn-mih lâng
佇我夢中唱情歌
tī guá bāng-tiong tshiùnn tsîng-kua
唱甲我的心遮疼
tshiùnn kah guá ê sim tsiah thiànn
到底啥物人
tàu-té siánn-mih lâng
夢中溫柔的笑聲
bāng-tiong un-jiû ê tshiò-siann
笑我哪會遮孤單
tshiò guá ná ē tsiah koo-tuann
按怎你毋放我煞
án-tsuánn lí m̄ pàng guá suah
夜夜走來折磨我
iā-iā tsáu-lâi tsiat-buâ guá
到底你是欲愛啥
tàu-té lí sī beh ài siánn
敢講愛我為你無性命
kám-kóng ài guá uī lí bô sìnn-miā
你用上蓋高強的手段
lí iōng siōng-kài ko-kiông ê tshiú-tuānn
趁我無準備
thàn guá bô tsún-pī
偷偷離開我
thau-thau lī-khui guá
夢中的情歌
bāng-tiong ê tsîng-kua
愈唱心愈疼
jú tshiùnn sim jú thiànn
原來是你彼暝的咒誓
guân-lâi sī lí hit mî ê tsiù-tsuā
你用上蓋溫柔的笑聲
lí iōng siōng-kài un-jiû ê tshiò-siann
行入我的夢中
kiânn-ji̍p guá ê bāng-tiong
來恥笑我
lâi thí-tshiò guá
愛情這兩字
ài-tsîng tse nn̄g-jī
袂記按怎寫
buē-kì án-tsuánn siá
原來伊
guân-lâi i
嘛早就綴你行
mā tsá tiō tuè lí kiânn
綴你行
tuè lí kiânn
