無夠聰明
《無夠聰明》Bô-kàu Tshong-bîng
鄧詠家Tīng Īng-ka
——————————————
冷冷的小雨飛入窗
líng-líng ê sió-hōo pue ji̍p thang
哪會想起彼个無情人
ná ē siūnn-khí hit ê bô-tsîng-lâng
冷冷的咖啡
líng-líng ê ka-pi
舊傷痕
kū siong-hûn
換來心酸目箍澹
uānn lâi sim sng ba̍k-khoo tâm
恨伊多情蝴蝶蜂
hūn i to-tsîng ôo-tia̍p phang
飛來飛去春風送
pue-lâi-pue-khì tshun-hong sàng
墜落蕊心醉花芳
tuī-lo̍h luí-sim tsuì hue-phang
青春佮歲月毋留人
tshing-tshun kah suè-gua̍t m̄ lâu lâng
小雨小雨阮敢通
sió-hōo sió-hōo gún kám thang
日日夜夜閣再望
ji̍t-ji̍t-iā-iā koh-tsài bāng
悾悾戇戇閣再等
khong-khong gōng-gōng koh-tsài tán
伊會越頭將阮攬
i ē ua̍t-thâu tsiong gún lám
小雨小雨你毋通
sió-hōo sió-hōo lí m̄-thang
講笑這是一場夢
kóng-tshiò tse sī tsi̍t-tiûnn bāng
無人問為誰等
bô-lâng mn̄g uī siáng tán
是阮無夠聰明
sī gún bô-kàu tshong-bîng
難過情關
lân kuè tsîng-kuan
