心酸的月光
《心酸的月光》Sim-sng ê Gue̍h-kng
談詩玲Tâm Si-lîng
——————————————
心酸酸
sim sng-sng
夢孤床
bāng koo-tshn̂g
阮被無情
gún pī bô-tsîng
改變好青春
kái-piàn hó tshing-tshun
情路遠
tsîng-lōo hn̄g
愁夜長
tshiû-iā tn̂g
阮將痴情
gún tsiong tshi-tsîng
寄託著月光
kià-thok tio̍h gue̍h-kng
滴滴珠淚
tih-tih tsu-luī
只好腹內吞
tsí-hó pak-lāi thun
毋願閣越頭看
m̄-guān koh ua̍t-thâu khuànn
甘願藏傷痕
kam-guān tshàng siong-hûn
一步一步
tsi̍t-pōo-tsi̍t-pōo
一人等黃昏
tsi̍t-lâng tán hông-hun
毋願閣總是恨
m̄-guān koh tsóng-sī hūn
毋驚寂寞問
m̄-kiann tsi̍k-bo̍kmn̄g
今日明日
kim-ji̍t bîng-ji̍t
未來欲怎樣拍算
bī-lâi beh tsuánn-iūnn phah-sǹg
情線來拆斷
tsîng-suànn lâi thiah-tn̄g
勇氣留三分
ióng-khì lâu sann-hun
堅強送悲傷
kian-kiông sàng pi-siong
漸漸來離開阮
tsiām-tsiām lâi lī-khui gún
從今以後
tsiông-kim í-āu
袂閣心酸
buē koh sim-sng
酸酸
sng-sng
