感情放水流
《感情放水流》Kám-tsîng Pàng Tsuí Lâu
蔡麗津Tshuà Lē-tin(蔡以真Tshuà Í-tsin)
——————————————
踮在忠孝東路的路邊
tiàm-tsāi Tiong-hàu-tang-lōo ê lōo-pinn
看著別人雙雙對對
khuànn-tio̍h pa̍t-lâng siang-siang tuì-tuì
予我想起過去的甜蜜
hōo guá siūnn-khí kuè-khì ê tinn-bi̍t
不由自己
put-iû tsū-kí
目屎滴
ba̍k-sái tih
當初愛你愛甲遐爾深
tong-tshoo ài lí ài kah hiah-nī tshim
將我一切攏交予你
tsiong guá it-tshè lóng kau hōo lí
到底是為啥物
tàu-té sī uī-siánn-mih
為啥物
uī-siánn-mih
你欲離開阮的身邊
lí beh lī-khui gún ê sin-pinn
想欲將你放袂記
siūnn-beh tsiong lí pàng-buē-kì
怎樣哪會無勇氣
tsuánn-iūnn ná ē bô ióng-khì
因為愛你
in-uī ài lí
愛甲疼入心
ài kah thiànn ji̍p sim
起起落落的變化
khí-khí-lo̍h-lo̍h ê piàn-huà
情海浮沉的生活
tsîng-hái phû-tîm ê sing-ua̍h
對我攏無較縒
tuì guá lóng bô-khah-tsua̍h
想欲將你放袂記
siūnn-beh tsiong lí pàng-buē-kì
將你的批燒去
tsiong lí ê phue sio–khì
當做分開紀念日
tòng-tsuè hun-khui kì-liām-ji̍t
從今以後你佮我
tsiông-kim í-āu lí kah guá
田無溝水無流
tshân bô kau tsuí bô lâu
