志氣
《志氣》Tsì-khì
蔡義德Tshuà Gī-tik
——————————————
日頭赤炎炎
ji̍t-thâu tshiah iām-iām
大粒細粒汗
tuā-lia̍p sè-lia̍p kuānn
為誰辛苦來拍拚
uī siáng sin-khóo lâi phah-piànn
酸甜苦澀
sng-tinn khóo-siap
攏是天賜的運命
lóng-sī thinn sù ê ūn-miā
人生若山
jîn-sing ná peh-suann
重重又疊疊
tîng-tîng iū tha̍h-tha̍h
起落毋免來驚惶
khí-lo̍h m̄-bián lâi kiann-hiânn
若有志氣
nā ū tsì-khì
毋驚出世無條件
m̄-kiann tshut-sì bô tiâu-kiānn
用人情冷暖
iōng jîn-tsîng líng-luán
寫一條歌
siá tsi̍t-tiâu kua
用阮的歌聲
iōng gún ê kua-siann
唱出對天的感謝
tshiùnn-tshut tuì thinn ê kám-siā
袂記彼段不如意
buē-kì hit tuānn put-jû-ì
拭掉傷心的過去
tshit tiāu siong-sim ê kuè-khì
失敗成功靠自己
sit-pāi sîng-kong khò tsū-kí
毋通予人看袂起
m̄-thang hōo-lâng khuànn-buē-khí
人生短短數十年
jîn-sing té-té sòo-tsa̍p nî
毋通白白來浪費
m̄-thang pe̍h-pe̍h lâi lōng-huì
提起男兒的志氣
thê-khí lâm-jî ê tsì-khì
總有一工出頭天
tsóng ū tsi̍t-kang tshut-thâu-thinn
