牽手
《牽手》Khan-tshiú
蔡義德Tshuà Gī-tik
——————————————
牽你的手
khan lí ê tshiú
我有真深的感受
guá ū tsin tshim ê kám-siū
感謝你
kám-siā lí
予我一个溫暖的岫
hōo guá tsi̍t-ê un-luán ê siū
過去的支持
kuè-khì ê tsi-tshî
是遐爾仔堅強
sī hiah-nī-á kian-kiông
如今也是我上媠的溫柔
jû-kim iā-sī guá siōng-suí ê un-jiû
啊~你牽著我的手
ah~ lí khan tio̍h guá ê tshiú
我就永遠無憂愁
guá tiō íng-uán bô iu-tshiû
食苦食甜
tsia̍h khóo tsia̍h tinn
有你陪伴阮身邊
ū lí puê-phuānn gún sin-pinn
啊~輕輕牽著你的手
ah~ khin-khin khan tio̍h lí ê tshiú
千年萬年的新娘
tshian-nî bān-nî ê sin-niû
你是我一生
lí sī guá it-sing
最愛的牽手
tsuè ài ê khan-tshiú
