戀春風
《戀春風》Luân Tshun-hong
蔡義德Tshuà Gī-tik
——————————————
眠夢中的情人欲佗揣
bîn-bāng tiong ê tsîng-jîn beh toh tshuē
偏偏搪著你一个
phian-phian tn̄g-tio̍h lí tsi̍t-ê
天註定
thinn tsù-tiānn
緣份牽做伙
iân-hūn khan tsò-hué
人生的曲折情路閃袂過
jîn-sing ê khiok-tsiat tsîng-lōo siám buē-kuè
感情線縛著咱兩个
kám-tsîng-suànn pa̍k tio̍h lán nn̄g-ê
一生的愛情路相交陪
it-sing ê ài-tsîng-lōo sio kau-puê
啉一喙
lim tsi̍t-tshuì
醉兩个
tsuì nn̄g-ê
你佮我雙雙飛
lí kah guá siang-siang pue
咱的情
lán ê tsîng
有幸福的美麗
ū hīng-hok ê bí-lē
春風戀情
tshun-hong luân-tsîng
佇來生佮今世
tī lâi-sing kah kim-sè
情深深
tsîng tshim-tshim
春風送情畫
tshun-hong sàng tsîng-uē
