雨傘
《雨傘》Hōo-suànn
蔡秋鳳Tshuà Tshiu-hōng
——————————————
一暝雨水落袂離
tsi̍t-mî hōo-tsuí lo̍h buē-lī
滴滴答答帶情意
tih-tih-tah-tah tài tsîng-ì
這枝雨傘
tsit ki hōo-suànn
是對你的提醒
sī tuì lí ê thê-tshínn
佮你熟似彼當時
kah lí si̍k-sāi hit-tong-sî
也是這款的天氣
iā-sī tsit khuán ê thinn-khì
阮的心內遐爾甜
gún ê sim-lāi hiah-nī tinn
一陣秋風吹規暝
tsi̍t-tsūn tshiu-hong tshue kui-mî
風吹冷冷帶傷悲
hong tshue líng-líng tuà siong-pi
但願離別
tān-guān lī-pia̍t
是暫時的代誌
sī tsiām-sî ê tāi-tsì
提筆欲寫我愛你
the̍h pit beh siá guá ài lí
雨水又閣開始滴
hōo-tsuí iū-koh khai-sí tih
害阮又閣來想你
hāi gún iū-koh lâi siūnn lí
因為落雨彼一暝
in-uī lo̍h-hōo hit tsi̍t-mî
攑傘送你來離開
gia̍h suànn sàng lí lâi lī-khui
是雨抑是淚怎講起
sī hōo ia̍h-sī luī tsuánn kóng-khí
想起落雨彼一暝
siūnn-khí lo̍h-hōo hit tsi̍t-mî
有時苦澀有時甜
ū-sî khóo-siap ū-sî tinn
思念借雨水轉達伊
su-liām tsioh hōo-tsuí tsuán-ta̍t i
毛毛小雨落袂止
mn̂g-mn̂g sió-hōo lo̍h buē tsí
沾著目尾愛哭痣
tsam tio̍h ba̍k-bué ài-khàu-kì
等你攑傘予我覕
tán lí gia̍h suànn hōo guá bih
