籤詩
https://song.corp.com.tw/song.aspx?id=21135
《籤詩》Tsiam-si
蔡秋鳳 Tshuà Tshiu-hōng
——————————————
人生海海一直過
jîn-sing hái-hái it-ti̍t kuè
真心想欲揣一个
tsin-sim siūnn-beh tshuē tsi̍t-ê
會佮阮一生一世
ē kah gún it-sing it-sè
認真拍拚行做伙
jīn-tsin phah-piànn kiânn tsuè-hué
行向廟內跪落地
kiânn hiòng biō-lāi kuī lo̍h-tē
雙手合掌心內話
siang-tshiú ha̍p-tsióng sim-lāi uē
拜託神明聽詳細
pài-thok sîn-bîng thiann siông-sè
祈求姻緣來相揣
kî-kiû in-iân lâi sio-tshuē
一張籤詩來解說
tsi̍t-tiunn tshiam-si lâi kái-sueh
姻緣簿內的命底
in-iân-phōo lāi ê miā-té
毋是無人來經過
m̄-sī bô-lâng lâi king-kuè
緣份猶未來相揣
iân-hūn iáu-bē lâi sio-tshuē
一張籤詩來解說
tsi̍t-tiunn tshiam-si lâi kái-sueh
姻緣註定在年底
in-iân tsù-tiānn tsāi nî-té
若有真心來交陪
nā ū tsin-sim lâi kau-puê
雙囍早慢是咱的
siang-hí tsá-bān sī lán-ê
