一口飯
https://www.youtube.com/watch?v=XO07x9MRK5w
《一口飯》Tsi̍t-kháu Pn̄g
蔡秋鳳 Tshuà Tshiu-hōng
——————————————
你若是問我食飽未
lí nā-sī mn̄g guá tsia̍h-pá–buē
聽著心酸也難過
thiann tio̍h sim-sng iā lân-kuè
厝內大細向我一个
tshù-lāi tuā-sè ǹg guá tsi̍t-ê
一頓久久
tsi̍t-tǹg kú-kú
兩頓相拄
nn̄g-tǹg sio-tú
啊~平平是一口飯
ah~ pênn-pênn sī tsi̍t-kháu pn̄g
怎樣天佮地來分
tsuánn-iūnn thinn kah tē lâi hun
別人是山珍海味閣有賰
pa̍t-lâng sī san-tin-hái-bī koh ū-tshun
啊~阮為著一口飯
ah~ gún uī-tio̍h tsi̍t-kháu pn̄g
不時拚甲無身魂
put-sî piànn kah bô sin-hûn
敢是天公袂記得疼惜阮
kám-sī thinn-kong buē-kì-leh thiànn-sioh gún
一人一款命
tsi̍t-lâng tsi̍t-khuán miā
愛認份
ài jīn-hūn
啥物款人
siánn-mih khuán lâng
註定食啥物飯
tsù-tiānn tsia̍h siánn-mih pn̄g
為著生存
uī-tio̍h sing-tsûn
為著一口飯
uī-tio̍h tsi̍t-kháu pn̄g
咱用咱雙手改變命運
lán iōng lán siang-tshiú kái-piàn miā-ūn
