回心轉意

《回心轉意》Huê-sim-tsuán-ì

王秀琪Ông Siù-kî

——————————————

你像上光彼粒星

lí tshiūnn siōng kng hit lia̍p tshinn

到底是飛去佗位

tàu-té sī pue khì tó-uī

予阮為你等

hōo gún uī lí tán

吼規暝

háu kui-mî

人講世間迷人的愛情

lâng kóng sè-kan bê-lâng ê ài-tsîng

到底是啥物

tàu-té sī siánn-mih

為何揣無這兩字

uī-hô tshuē-bô tsit nn̄g-jī

啊~望你回心轉意

ah~ bāng lí huê-sim-tsuán-ì

重新閣再開始

tiông-sin koh-tsài khai-sí

毋通放予阮孤單的心

m̄-thang pàng hōo gún koo-tuann ê sim

茫茫相思

bâng-bâng siunn-si

望你回心轉意

bāng lí huê-sim-tsuán-ì

轉來阮的身邊

tńg-lâi gún ê sin-pinn

無怨無悔無限期

bô-uàn bô-hué bô hān-kî

閣等千年我願意

koh tán tshian-nî guá guān-ì