愛你的勇氣
《愛你的勇氣》Ài Lí ê Ióng-khì
蔡秋鳳Tshuà Tshiu-hōng
——————————————
閃爍的天星
siám-sih ê thinn-tshinn
花開的芳味
hue khui ê phang-bī
可惜你無踮佇身邊
khó-sioh lí bô tiàm tī sin-pinn
想著有你陪伴溫暖的日子
siūnn-tio̍h ū lí puê-phuānn un-luán ê ji̍t-tsí
啥物時陣緣份來拍毋見
siánn-mih sî-tsūn iân-hūn lâi phàng-kìnn
快樂誰鬥陣
khuài-lo̍k siáng tàu-tīn
悲傷誰安慰
pi-siong siáng an-uì
總是懷念你的關心
tsóng-sī huâi-liām lí ê kuan-sim
無情的時間
bô-tsîng ê sî-kan
若是會當倒轉去
nā-sī ē-tàng tò-tńg–khì
阮會提出愛你的勇氣
gún ē the̍h tshut ài lí ê ióng-khì
行過冷暖的人生
kiânn kuè líng-luán ê jîn-sing
經過多變的感情
king-kuè to-piàn ê kám-tsîng
上愛阮的人
siōng ài gún ê lâng
已經離開
í-king lī-khui
希望遙遠的流星
hi-bāng iâu-uán ê liû-tshinn
聽著遺憾的心情
thiann-tio̍h uî-hām ê sim-tsiânn
阮上愛的人
gún siōng ài ê lâng
伊佇佗位
i tī tó-uī
