再會啦

由 ·

《再會啦》Tsài-huē–lah

蔡佳麟 TSHUÀ KA-LÎN
可愛的故鄉 再會啦
khó-ài ê kòo-hiong, tsài-huē–lah
請保重我的爸母
tshiánn pó-tiōng guá ê pē-bú
毋通煩惱我
m̄-thang huân-ló guá
勇敢的男兒出外拍拚
ióng-kám ê lâm-lî tshut-guā phah-piànn
為著理想光明前途
uī-tio̍h lí-sióng kong-bîng tsiân-tôo
快樂向前行
khuài-lo̍k hiòng-tsiân kiânn
揹一支心愛的ギター
phāinn tsi̍t ki sim-ài ê gì-tà
思念時我會唱出故鄉的情歌
su-liām sî guá ē tshiùnn-tshut kòo-hiong ê tsîng-kua
朋友的鼓勵充滿感謝
pîng-iú ê kóo-lē tshiong-buán kám-siā
再會啦 我袂孤單
tsài-huē–lah guá buē koo-tuann
人生的路 起起落落
lîn-sing ê lōo, khí-khí-lo̍h-lo̍h
愛細膩家己的跤步
ài sè-jī ka-tī ê kha-pōo
命運變化無常也無地圖
miā-ūn piàn-huà bû-siông iā bô tē-tôo
堅持希望的力量
kian-tshî hi-bāng ê li̍k-liōng
彩色的世界 彩色的未來
tshái-sik ê sè-kài, tshái-sik ê bī-lâi
若欲成功無人會靠天去安排
nā beh sîng-kong bô lâng ē khò thinn khì an-pâi
跤踏實地毋驚做失敗的英雄
kha-ta̍h-si̍t-tē m̄ kiann tsuè sit-pāi ê iong-hiông
意志可比紅太陽
ì-tsì khó-pí âng thài-iông
再會啦 爸母 再會啦 故鄉
tsài-huē–lah, pē-bú, tsài-huē–lah, kòo-hiong
再會啦 姑娘 美麗的笑容
tsài-huē–lah, koo-niû, bí-lē ê tshiò-iông
叮嚀祝福永遠囥佇阮心肝
ting-lîng tsiok-hok íng-uán khǹg tī gún sim-kuann
伴阮創造好名聲
phuānn gún tshòng-tsō hó miâ-siann
再會啦
tsài-huē–lah
再會啦 再會啦 故鄉
tsài-huē–lah, tsài-huē–lah, kòo-hiong
再會啦 美麗的笑容
tsài-huē–lah, bí-lē ê tshiò-iông
叮嚀祝福永遠囥佇阮心肝
ting-lîng tsiok-hok íng-uán khǹg tī gún sim-kuann
伴阮創造好名聲
phuānn gún tshòng-tsō hó miâ-siann
再會啦
tsài-huē–lah

您可能也會喜歡…

跳至工具列