兵單
《兵單》Ping-tuann
澎恰恰Pōng Tshia̍h Tshia̍h
——————————————
阮二十歲彼一年
gún jī-tsa̍p huè hit tsi̍t-nî
一工下晡無聊的時
tsi̍t-kang ē-poo bô-liâu ê sî
國防部來通知
kok-hông-pōo lâi thong-ti
叫阮做一个
kiò gún tsuè tsi̍t-ê
愛家愛國的好男兒
ài ka ài kok ê hó lâm-jî
阮老母真伶俐
gún lāu-bú tsin líng-lī
走去廟內求保庇
tsáu-khì biō-lāi kiû pó-pì
順紲抽一枝籤詩
sūn-suà thiu tsi̍t-ki tshiam-si
向望眾神有指示
ǹg-bāng tsiòng-sîn ū tsí-sī
看來看去
khuànn-lâi-khuànn-khì
毋知是啥物
m̄-tsai sī siánn-mih
因為寫講不可洩天機
in-uī siá kóng put-khó sia̍p thian-ki
兩個月的訓練期
nn̄g-kò gue̍h ê hùn-liān-kî
立正稍息單兵攻擊
lìzhèng shāoxí dānbīnggōngjí
體格粗勇有元氣
thé-keh tshoo-ióng ū guân-khì
雖然淡薄仔艱苦
sui-jiân tām-po̍h-á kan-khóo
但是準備欲出頭天
tān-sī tsún-pī beh tshut-thâu-thinn
阮老母有交代
gún lāu-bú ū kau-tài
若欲抽部隊的時
nā beh thiu pōo-tuī ê sî
雙手合掌
siang-tshiú ha̍p-tsiáng
呼請眾神的名字
hoo-tshiánn tsiòng-sîn ê miâ-jī
↓↓(口白)—(口白)—(口白)↓↓
啊~弟子彭樟燦
ah~ tē-tsú Phênn Tsiong-tshàn
連鞭中心結訓
liâm-mi tiong-sim kiat-hùn
咧欲抽部隊矣乎
teh-beh thiu pōo-tuī–ah
佇遮誠心呼請
tī tsia sîng-sim hoo-tshiánn
玉皇上帝
Gio̍k-hông Siōng-tè
觀世音菩薩
Kuan-sè-im Phôo-sat
媽祖娘娘
Má-tsóo-niû-niû
濟公師父
Tsè-kong-su-hū
三太子
Sam-thài-tsú
太子爺公
Thài-tsú-iâ-kong
以及土地公
í-ki̍p Thóo-tī-kong
眾神啊
tsiòng-sîn–ah
鬥陣來共弟子鬥幫忙
tàu-tīn lâi kā tē-tsú tàu-pang-bâng
予弟子看會愈輕可愈好
hōo tē-tsú khuànn ē jú khin-khó jú hó
拜託唅
pài-thok–hannh
↑↑(口白)—(口白)—(口白)↑↑
拜託抽著好單位
pài-thok thiu tio̍h hó tan-uī
上好攑筆做文書
siōng-hó gia̍h-pit tsò bûn-si
鬮仔一下開
khau-á tsi̍t-ē khui
頂懸寫五字
tíng-kuân siá gōo-jī
啊!海軍陸戰隊
ah! hái-kun lio̍k-tsiàn-tuī
這聲我慘矣
tsit-siann guá tshám–ah
↓↓(口白)—(口白)—(口白)↓↓
-舜仔你這馬是咧哭啥
Sùn–á lí tsit-má sī leh khàu siánn
–阮姼仔去夆奅去啦
gún tshit-á í-king hông phānn–khì lah
-哈!笑死人
ha! tshiò sí-lâng
你生這型的有姼仔
lí sinn tsit hîng–ê ū tshit-á
–當然嘛有
tong-jiân mā ū
牽手就有算矣
khan-tshiú tiō ū sǹg–ah
嗯! 我佇咧遮為國服務
ngh! giá tī-leh tsia uī kok ho̍k-bū
伊佇咧遐替別人服務啦
i tī-leh hia thè pa̍t-lâng ho̍k-bū–lah
我佇咧戰場衝鋒陷陣
guá tī-leh tsiàn-tiûnn chōngfēngxiànzhèn
伊佇咧厝裡予人衝鋒陷陣
i tī-leh tshù–lìn hōo-lâng chōngfēngxiànzhèn
啊吁吁吁
ah uh-uh-uh
-好啦好啦
hó–lah hó–lah
想較開咧
siūnn khah khui–leh
來去食飯啦
lâi tsia̍h-pn̄g–lah
–無愛食啦
bô-ài tsia̍h–lah
-無愛食
bô-ài tsia̍h
你枵枵予死啦
lí iau-iau hōo sí–lah
—注意!一分鐘後
zhùyì! yì fēngzhōng hòu
從紅毯布三分集合
cóng hóngtǎnbù sānfēng jíhé
稍息以後開始動作
shāoxí yǐhòu kāishǐ dòngzuò
稍息
shāoxí
反手預備
fǎnshǒu yùbèi
一下二上
yī xià èr shàng
一二一二一二
yī èr yī èr yī èr
-啊~阿母啊阿母啊
ah~ a-bú–ah a-bú–ah
緊咧啦
kín–leh-lah
你寄來的運功散
lí kià lâi ê ūn-kong-sán
我做一擺食了了矣
guá tsò tsi̍t-pái tsia̍h liáu-liáu–ah
緊閣寄來
kín koh kià–lâi
無貨矣
bô huè–ah
足艱苦的啦
tsiok kan-khóo–ê lah
阿母啊
a-bú–ah
