心情
《心情》潘越雲
《Sim-tsîng》Phuann Ua̍t-hûn
作詞：林邊tsok sû: Lîm Pian
作曲：小草tsok-khik: Sió Tshó
——————–
心情親像一隻船
sim-tsîng tshin-tshiūnn tsi̍t tsiah tsûn
行到海中央
kiânn kàu hái tiong-ng
海湧浮浮又沉沉
hái-íng phû-phû iū tîm-tîm
就是阮的心情
tiō-sī gún ê sim-tsîng
.
每日想伊想袂停
muí-ji̍t siūnn i siūnn buē thîng
親像風吹一陣又一陣
tshin-tshiūnn hong tshue tsi̍t tsūn iū tsi̍t tsūn
每夜做夢夢見伊
muí iā tsuè-bāng bāng-kìnn i
親像伊佇阮身邊
tshin-tshiūnn i tī gún sin-pinn
.
為著欲見伊
uī tio̍h beh kìnn i
只有夢中去
tsí-ū bāng-tiong khì
為著夢中見
uī tio̍h bāng-tiong kìnn
日時變半暝
li̍t–sî piàn puànn-mî
.
心情親像一片雲
sim-tsîng tshin-tshiūnn tsi̍t phìnn hûn
飛到天西爿
pue kàu thinn se-pîng
日頭落山的黃昏
li̍t-thâu lo̍h-suann ê hông-hun
就是阮的心情
tiō-sī gún ê sim-tsîng
