搖落去
《搖落去》Iô–lo̍h-khì
潘佩莉Phuann Puē-lī
——————————————
心事放予空
sim-sū pàng hōo khang
Party音樂咧放送
Party im-ga̍k teh hòng-sàng
隨著Tempo
suî tio̍h Tempo
來搖振動
lâi iô tín-tāng
歡喜的盈暗
huann-hí ê îng-àm
心情正輕鬆
sim-tsîng tsiànn khin-sang
快樂舞步咧叫咱
khuài-lo̍k bú-pōo teh kiò lán
毋通愣愣做菁仔欉
m̄-thang gāng-gāng tsuè tshinn-á-tsâng
毋免驚頇顢
m̄-bián kiann han-bān
搖搖搖落去
iô iô iô–lo̍h-khì
愈搖愈跳弄
jú iô jú thiàu-lāng
搖搖搖甲茫
iô iô iô kah bâng
愈搖愈輕鬆
jú iô jú khin-sang
將心事放予空
tsiong sim-sū pàng hōo khang
快樂今夜大放送
khuài-lo̍k kim-iā tuā hòng-sàng
毋通目頭結絚絚
m̄-thang ba̍k-thâu kat ân-ân
拍開你心房
phah-khui lí sim-pâng
用快樂做信念
iōng khuài-lo̍k tsuè sìn-liām
笑容無需要暗崁
tshiò-iông bô su-iàu àm-khàm
樂觀的人有希望
lo̍k-kuan ê lâng ū hi-bāng
好運綴著快樂的人
hó-ūn tuè tio̍h khuài-lo̍k ê lâng
