十八拐
《十八拐》Tsa̍p-peh Kuái
劉福助Lâu Hok-tsōo
——————————————
茫欸茫欸
bông–eh bông–eh
精神喔
tsing-sîn–ooh
渺欸渺哩
biáu–eh biáu–lih
天光矣囉
thinn kng–ah-looh
咿啊囉啊咿
ih-ah looh-ah-ih
嚶嚶啊唔唔
inn-inn ah ônn-ônn
人我這馬塗塗
lâng guá tsit-má thôo-thôo
–
我福助仔欲講囉
guá Hok-tsōo–á beh kóng–looh
彼號十八拐哩
hit-lō tsa̍p-pueh kuái–lih
這款上厲害喔
tsit khuán siōng lī-hāi–ooh
才會害死人啊欸
tsiah ē hāi sí lâng–ah-eh
講我的田園哩
kóng guá ê tshân-hn̂g–lih
有兩甲二
ū nn̄g-kah jī
予人拐去喔
hōo-lâng kuái khì–ooh
做伊攏了矣欸
tsuè i láng liáu–ah-eh
彼个姼仔真?哩
hit ê tshit-á tsin gâu–lih
也會笑閣也會哭
iā ē tshiò koh iā ē khàu
我予伊變一个吭跤翹
guá hōo i pìnn tsi̍t-ê khōng-kha-khiàu
煞予伊笑我戇癮頭啊欸
suah hōo i tshiò guá gōng giàn-thâu–ah-eh
我較早當咧好空囉
guá khah-tsá tng-teh hó-khang–looh
伊盡量款
i tsīn-liōng khuán
大張的咧窮矣
tuā-tiunn–ê teh khîng–ah
才予我想著會起凝啊欸
tsiah hōo guá siūnn tio̍h ē khí-gîng–ah-eh
錢今彼莫講囉
tsînn tann he mài-kóng–looh
閣咧共阮蓋喔
koh leh kā gún kài–ooh
乜仔霸仔規大堆
mí–á pà–á kui tuā-tui
丈人仔欲啉
tiūnn-lâng-á beh lim
丈姆仔欲食哩
tiūnn-ḿ–á beh tsia̍h–lih
講厝買蹛西門町
kóng tshù bé tuà se-mn̂g-ting
利用全家就按呢
lī-iōng tsuân-ke tsū-án-ne
欲來予我好驚人啊欸
beh lâi hōo guá hó kiann lâng–ah-eh
講到彼个破猫哩
kóng kàu hit ê phuà-bâ–lih
我就受氣喔
guá tiō siūnn-khì–ooh
對我僥雄哩
tuì guá hiau-hiông–lih
後擺無好尾
āu-pái bô hó-bué
咱人傷戇啊
lán-lâng siunn gōng–ah
煞予人笑衰
suah hōo-lâng tshiò sue
講到第一戇
kóng kàu tē-it gōng
若我排先鋒
nā guá pâi sian-hong
第二戇趁錢予人用
tē-jī gōng thàn-tsînn hōo-lâng iōng
第三戇予人當做契兄公
tē-sann gōng hōo-lâng tòng-tsò khè-hiann-kong
我實在有影懵懂囉
guá si̍t-tsāi ū-iánn bóng-tóng–looh
予伊款
hōo i khuán
共我籠去曲跤
kā guá láng khì khiau-kha
我咧予人笑倯啊欸
guá teh hōo-lâng tshiò sông–ah-eh
勸咱各位聽友囉
khǹg lán kok-uī thiann-iú–looh
若是像我的人著克虧喔
nā-sī tshiūnn guá ê lâng tio̍h khik-khui–ooh
拍拚才有好尾囉
phah-piànn tsiah ū hó-bué–looh
著愛加減趁喔
tio̍h-ài ke-kiám thàn–ooh
風騷的對咱無較長
hong-so–ê tuì lán bô-khah-tshâng
這途永遠著毋通
tsit tôo íng-uán tio̍h m̄-thang
無彩工
bô-tshái-kang
食飽閒閒較輕鬆
tsia̍h-pá îng-îng khah khin-sang
趁偌濟免怨嘆
thàn guā-tsē bián uàn-thàn
祝咱逐家事業囉
tsiok lán ta̍k-ke sū-gia̍p–looh
免趕緊
bián kuánn-kín
勻勻仔趁啊欸 咿~ 啊
ûn-ûn-á thàn–ah-eh, ih~ ah
