臺東人
《臺東人》Tâi-tang-lâng
劉福助Lâu Hok-tsōo
——————————-
竹筍離塗目目柯
tik-sún lî thôo ba̍k-ba̍k-kua
移山啊倒海樊梨花
î-san–ah tó-hái Hân Lê-hua
有情阿娘仔著共娶
ū-tsîng a-niû-á tio̍h kā tshuā
毋通放予伊落煙花
m̄-thang pàng hōo i lo̍h ian-hua
稻仔大肚驚風颱
tiū-á tuā-tōo kiann hong-thai
阿娘仔大肚驚人知
a-niû-á tuā-tōo kiann lâng tsai
倒手牽衫掩肚臍
tò-tshiú khan sann am tōo-tsâi
正手擛君仔閣再來
tsiànn-tshiú ia̍t kun-á koh-tsài lâi
甘蔗好食頭??
kam-tsià hó-tsia̍h thâu tīng-tīng
茶店仔查某上無情
tê-tiàm-á tsa-bóo siōng bô-tsîng
一千兩千提去用
tsi̍t-tshing nn̄g-tshing the̍h-khì īng
叫伊散步喝無閒
kiò i sàn-pōo huah bô-îng
六月日頭火燒埔
la̍k-gue̍h ji̍t-thâu hué-sio-poo
阿娘仔招君過澎湖
a-niû-á tsio kun kuè Phînn-ôo
交通飛機也過渡
kau-thong hui-ki iā kuè-tōo
三頓海產食魚箍
sann-tǹg hái-sán tsia̍h hî-khoo
蓮霧開花滿樹紅
lián-bū khui-hue muá tshiū âng
樹頂啊一隻虎頭峰
tshiū-tíng–ah tsi̍t-tsiah hóo-thâu-phang
叮著阿君仔無彩工
tìng tio̍h a-kun-á bô-tshái-kang
叮著阿娘仔喝救人
tìng tio̍h a-niû-á huah kiù-lâng
枋寮坐車到楓港
Pang-liâu tsē-tshia kàu Hong-káng
盤山過嶺到臺東
puânn-suann kuè-niá kàu Tâi-tang
有情阿娘仔著來送
ū-tsîng a-niû-á tio̍h lâi sàng
阮的故鄉踮臺東
gún ê kòo-hiong tiàm Tâi-tang
