展翼仔
《展翼仔》Tián Si̍t-á
劉婉瀅 Lâu Uán-îng
—————————————
攑頭雙手伸直直
gia̍h-thâu siang-tshiú tshun ti̍t-ti̍t
聽路邊的風吹過去
thiann lōo-pinn ê hong tshue–kuè-khì
親像將翼仔展開開
tshin-tshiūnn tsiong si̍t-á tián khui-khui
二月天我嘛毋驚身軀冷吱吱
jī-gue̍h thinn guá mā m̄-kiann sin-khu líng-ki-ki
精彩的人生
tsing-tshái ê jîn-sing
等我開始
tán guá khai-sí
袂停的時鐘
buē thîng ê sî-tsing
鼓勵我向前去
kóo-lē guá hiòng-tsiân khì
展翼仔
tián si̍t-á
我想欲飛
guá siūnn-beh pue
決定一个目標
kuat-tīng tsi̍t-ê bo̍k-phiau
就莫懷疑
tsiū mài huâi-gî
一直到未來
it-ti̍t kàu bī-lâi
無論飛到佗位
bô-lūn pue kàu tó-uī
希望天頂的雲鬥相共
hi-bāng thinn-tíng ê hûn tàu-sann-kāng
報阮厝內的平安
pò gún tshù-lāi ê pîng-an
展翼仔
tián si̍t-á
我想欲飛
guá siūnn-beh pue
看著日出日落
khuànn-tio̍h ji̍t-tshut ji̍t-lo̍h
上媠的時
siōng suí ê sî
一粒山過去
tsi̍t lia̍p suann–kuè-khì
猶有一个都市
iáu-ū tsi̍t-ê too-tshī
等到我停落來
tán-kàu guá thîng lo̍h-lâi
敢有阮心內彼片天
kám ū gún sim-lāi hit phìnn thinn
