孤單女人心
《孤單女人心》Koo-tuann Lú-jîn-sim
劉依純Lâu I-sûn
——————————————
無愛一个人面對秋天
bô-ài tsi̍t-ê-lâng bīn-tuì tshiu-thinn
無愛雨水沃澹窗邊
bô-ài hōo-tsuí ak-tâm thang-pinn
會擾亂阮的心
ē jiáu-luān gún ê sim
會想起彼段情
ē siūnn-khí hit tuānn tsîng
到如今思念袂停
kàu jû-kim su-liām buē-thîng
講好兩个人約束春天
kóng-hó nn̄g-ê lâng iok-sok tshun-thinn
無心人總是放袂記
bô-sim-lâng tsóng-sī pàng-buē-kì
無怨嘆你無情
bô uàn-thàn lí bô-tsîng
無遺憾的過程
bô uî-hām ê kuè-tîng
傷心人趕緊轉去
siong-sim lâng kuánn-kín tńg–khì
用情太深
iōng tsîng thài tshim
欲叫你按怎還
beh kiò lí án-tsuánn hîng
為啥物
uī-siánn-mih
雨水冷跤手冷
hōo-tsuí líng kha-tshiú líng
生活攏袂平靜
sing-ua̍h lóng buē pîng-tsīng
用情太深
iōng tsîng thài tshim
無需要你來還
bô su-iàu lí lâi hîng
為啥物
uī-siánn-mih
雨水冷跤手冷
hōo-tsuí líng kha-tshiú líng
上孤單女人心
siōng koo-tuann lú-jîn-sim
