真正有影媠
《真正有影媠》Tsin-tsiànn Ū-iánn Suí
劉依純Lâu I-sûn
——————————————
你講阮真正有影媠
lí kóng gún tsin-tsiànn ū-iánn suí
看著阮
khuànn-tio̍h gún
目睭徙袂開
ba̍k-tsiu suá buē-khui
笑容像春天的花蕊
tshiò-iông tshiūnn tshun-thinn ê hue-luí
只想欲躽踮阮身邊
tsí siūnn-beh nuà tiàm gún sin-pinn
你講阮真正有影媠
lí kóng gún tsin-tsiànn ū-iánn suí
毋通是甜蜜的言語
m̄-thang sī tinn-bi̍t ê giân-gí
阮正當青春十八時
gún tsiànn tng tshing-tshun tsa̍p-pueh sî
對戀愛期待的年紀
tuì luân-ài kî-thāi ê nî-kí
為何面會紅記記
uī-hô bīn ē âng-kì-kì
愛情是春風惜惜
ài-tsîng sī tshun-hong sioh-sioh
心虛虛
sim hi-hi
簡單情歌
kán-tan tsîng-kua
聽起來就是遮有味
thiann–khí-lâi tiō-sī tsiah ū bī
為何心頭遮爾甜
uī-hô sim-thâu tsiah-nī tinn
戀情是
luân-tsîng sī
小雨綿綿浪漫味
sió-hōo mî-mî lōng-bān bī
一首情詩
tsi̍t-siú tsîng-si
就按呢
tiō án-ne
甘願綴著你
kam-guān tuè tio̍h lí
