醉俠
《醉俠》Tsuì-kiap
梁明Niû Bîng
——————————————
看著醉人
khuànn-tio̍h tsuì-lâng
醉人醉人
tsuì-lâng tsuì-lâng
醉人醉人嗨嗨
tsuì-lâng tsuì-lâng–haih-haih
毋通看我醉茫茫
m̄-thang khuànn guá tsuì-bâng-bâng
當做我是醉莽漢
tòng-tsuè guá sī tsuì bóng-hàn
若有人看袂順眼
nā ū-lâng khuànn buē sūn-gán
盡量倚來免細膩
tsīn-liōng uá–lâi bián suè-jī
做人免來懼怕
tsuè-lâng bián lâi khū-phà
無啥物
bô siánn-mih
應該倚靠著
ing-kai uá-khò tio̍h
人情佮義理
jîn-tsîng kah gī-lí
這款人才會認定
tsit khuán lâng tsiah ē jīn-tīng
武林中的俠義
bú-lîm tiong ê kiap-gī
陰險的人
im-hiám ê lâng
對阮一生
tuì gún it-sing
是真無佮意
sī tsin bô kah-ì
無正氣的歹人
bô tsìng-khì ê pháinn-lâng
阮生死也配伊
gún senn-sí iā phuè i
我也無咧醉啊
guá iā bô teh tsuì–ah
啥人講我醉
siánn-lâng kóng guá tsuì
hah! lok-kai-siooh lok-kai-siooh
燒酒實在真正芳
sio-tsiú si̍t-tsāi tsin-tsiànn phang
予人爽快面紅紅
hōo-lâng sóng-khuài bīn âng-âng
啉酒都會來茫茫
lim-tsiú to ē lâi bâng-bâng
何必佮伊來操煩
hô-pit kah i lâi tshau-huân
我愛快樂
guá ài khuài-lo̍k
無愛做醉漢
bô-ài tsuè tsuì-hàn
講著啉酒
kóng-tio̍h lim-tsiú
嘛毋是真簡單
mā m̄-sī tsin kán-tan
雖然人醉心無醉
sui-jiân lâng tsuì sim bô tsuì
會當了解世間
ē-tàng liáu-kái sè-kan
一醉來解千愁
it-tsuì lâi kái tshian-tshiû
可憐著江湖兄弟
khó-liân tio̍h kang-ôo hiann-tī
因何欲結恩怨
in-hô beh kiat un-uàn
叫我哪袂怨嘆
kiò guá ná buē uàn-thàn
不如啉燒酒啊
put-jû lim sio-tsiú–ah
予伊醉茫茫
hōo i tsuì-bâng-bâng
hah! lok-kai-siooh lok-kai-siooh
