縫君衣
《縫君衣》Pâng Kun I
凌波Lîng-pho(小娟Sió-kuan)
——————————————
仔細縫君衣
tsú-suè pâng kun i
勤勤做針黹
khûn-khûn tsuè tsiam-tsí
尺寸小心褫
tshioh-tshùn sió-sim thí
大細君合宜
tuā-suè kun ha̍p-gî
衣綢是阮親啊手紩
i-tiû sī gún tshin–ah tshiú thīnn
予君隨帶在啊身邊
hōo kun suî-tuà tsāi–ah sin-pinn
一針一線有記憶
tsi̍t tsiam tsi̍t suànn ū kì-ì
表示咱情絲無分離
piáu-sī lán tsîng-si bô hun-lī
君你出門做代誌
kun lí tshut-mn̂g tsuè tāi-tsì
阮有言語望伊著記
gún ū giân-gú bāng i tio̍h kì
路邊野花毋啊通挃
lōo-pinn iá-hue m̄–ah thang ti̍h
思念家中梅一枝
su-liām ka-tiong muî tsi̍t ki
思想起
su-siūnn khí
早年共君定約結親儀
tsá-nî kāng kun tīng-iok kiat tshin-gî
只啊因家窮婚事遲
tsí–ah in ke kîng hun-sū tî
將咱婚姻來誤啊佳期
tsiong lán hun-in lâi ngōo–ah ka-kî
拖延一年過一年
thua-iân tsi̍t nî kèr tsi̍t nî
未知到底時
bē–ah tsai kàu tī-sî
