港邊離愁
《港邊離愁》Káng-pinn Lî-tshiû
趙千香Tiō Tshian-hiong
——————————————
心愛的瑪都露斯(matroos/マドロス/船員)
sim-ài ê ma-lóo-lóo-su
今仔日欲出帆
kia̋nn-ji̍t beh tshut-phâng
聽見著鑼聲響亮
thiann-kìnn tio̍h lô-siann hiáng-liāng
船也欲離港
tsûn iā beh lî káng
雖然是來分離
sui-jiân sī lâi hun-lî
阮也是思念著你
gún iā-sī su-liām tio̍h lí
真心欲等你一人
tsin-sim beh tán lí tsi̍t-lâng
請你毋通
tshiánn lí m̄-thang
放袂記初次的戀夢
pàng-buē-kì tshoo-tshù ê luân-bāng
遙遠的航路千里
iâu-uán ê hâng-lōo tshian-lí
已經開出去
í-king khui–tshut-khì
心愛的
sim-ài–ê
請你毋免為阮來掛意
tshiánn lí m̄-bián uī gún lâi khuà-ì
隨波浪在海面
suî pho-lōng tsāi hái-bīn
希望你平安過日
hi-bāng lí pîng-an kè-ji̍t
提出勇氣的意志
the̍h tshut ióng-khì ê ì-tsì
著緊帶來好消息
tio̍h kín tuà-lâi hó siau-sit
予阮心歡喜
hōo gún sim huann-hí
心愛的離開港都
sim-ài–ê lī-khui káng-too
阮也心稀微
gún iā sim hi-bî
看見著海水青青
khuànn-kìnn tio̍h hái-tsuí tshinn-tshinn
加添無元氣
ka-thiam bô guân-khì
港邊若花開時
káng-pinn nā hue khui sî
你有來對阮講起
lí ū lâi tuì gún kóng-khí
就欲轉來再團圓
tsiū-beh tńg-lâi tsài thuân-înn
只有這句
tsí-ū tsit kù
安慰阮離別的滋味
an-uì gún lî-pia̍t ê tsu-bī
