酒女心聲
《酒女心聲》Tsiú-lú Sim-siann
蜜斯松竹Bi̍t-su Siông-tik
——————————————
受人欺騙做酒女
siū lâng khi-phiàn tsuè tsiú-lí
舊情切斷又毋甘
kū-tsîng tshiat-tn̄g iū m̄-kam
目屎流落做酒吞
ba̍k-sái lâu–lo̍h tsuè tsiú thun
無疑真情變成空
bô-gî tsin-tsîng piàn-sîng khang
捀著酒杯跤手軟
phâng tio̍h tsiú-pue kha-tshiú nńg
想著心頭又酸酸
siūnn-tio̍h sim-thâu iū sng-sng
目屎滴落酒中央
ba̍k-sái tih-lo̍h tsiú tiong-ng
到底啥人予阮向
tàu-tué siánn-lâng hōo gún ǹg
陪著人客笑文文
puê tio̍h lâng-kheh tshiò bûn-bûn
無陪人客毋允准
bô puê lâng-kheh m̄ ín-tsún
何時跳出烏暗門
hô-sî thiàu-tshut oo-àm mn̂g
會得見著好郎君
ē-tit kìnn-tio̍h hó lông-kun
