你欲離開我
《你欲離開我》Lí Beh Lī-khui Guá
楊靜Iûnn Tsīng
——————————————
你欲離開我
lí beh lī-khui guá
情深交予緣收煞
tsîng tshim kau hōo iân siu-suah
一句好來好去
tsi̍t-kù hó-lâi-hó-khì
無帶念過去的咒誓
bô tài-liām kuè-khì ê tsiù-tsuā
你當做無啥
lí tòng-tsuè bô siánn
欲扯猶原真瀟灑
beh tshé iu-guân tsin siau-sá
為何留戀的跤步
uī-hô liû-luân ê kha-pōo
不時咧越頭看
put-sî teh ua̍t-thâu khuànn
啊~阮阮阮阮
ah~ gún gún gún gún
想欲來看破
siūnn-beh lâi khuànn-phuà
看破著暗崁心碎
khuànn-phuà tio̍h àm-khàm sim-tshuì
帶著驚惶
tài tio̍h kiann-hiânn
傷情淚滿滿
siong-tsîng luī muá-muá
沿路蹽塗跤
iân-lōo liâu thôo-kha
若親像孤單行
ná-tshin-tshiūnn koo-tuann kiânn
無寂寞行相倚
bô tsi̍k-bo̍k kiânn sio-uá
啊~你你你你
ah~ lí lí lí lí
敢袂來心疼
kám buē lâi sim thiànn
心疼上加
sim thiànn siōng-ke
就是減一个伴
tiō-sī kiám tsi̍t-ê phuānn
既然你欲離開我
kì-jiân lí beh lī-khui guá
決心欲離開我
kuat-sim beh lī-khui guá
啊~我我我我
ah~ guá guá guá guá
閣會當求啥
koh ē-tàng kiû siánn
