思念你的心情
《思念你的心情》Su-liām Lí ê Sim-tsîng
王建傑Ông Kiàn-kia̍t
——————————————
一个人恬恬來
tsi̍t-ê-lâng tiām-tiām lâi
離開了故鄉
lī-khui liáu kòo-hiong
暗自傷悲
àm-tsū siong-pi
到底是為著啥代誌
tàu-té sī uī-tio̍h siánn tāi-tsì
滴滴情淚
tih-tih tsîng-luī
是為著啥人來流起
sī uī-tio̍h siánn-lâng lâi lâu khí
孤單的心
koo-tuann ê sim
是失戀的滋味
sī sit-luân ê tsu-bī
相信你這款愛情
siong-sìn lí tsit khuán ài-tsîng
有啥人會當來接受
ū siánn-lâng ē-tàng lâi tsiap-siū
怨嘆我家己太痴情
uàn-thàn guá ka-kī thài tshi-tsîng
想你想你
siūnn lí siūnn lí
阮心內感覺真稀微
gún sim-lāi kám-kak tsin hi-bî
愛你愛你
ài lí ài lí
予阮偌爾無奈
hōo gún guā-nī bô-nāi
思念你的心情
su-liām lí ê sim-tsîng
思念你的心情
su-liām lí ê sim-tsîng
世間哪有這款的愛情
sè-kan ná-ū tsit khuán ê ài-tsîng
