純情的愛
《純情的愛》Sûn-tsîng ê Ài
方瑞娥Png Suī-ngôo
——————————————
為著環境所致
uī-tio̍h khuân-kíng sóo-tì
受盡酸苦味
siū-tsīn sng-khóo-bī
自從佮你熟似後
tsū-tsiông kah lí si̍k-sāi āu
生活變成有意義
sing-ua̍h piàn-sîng ū ì-gī
誰知誰知
siáng tsai siáng tsai
平地風雲起
pînn-tē hong-hûn khí
拆散了一對鴛鴦
thiah-suànn liáu tsi̍t-tuì uan-iunn
斬斷了一條情絲
tsám-tuān liáu tsi̍t-tiâu tsîng-si
啥人袂怨嘆
siánn-lâng buē uàn-thàn
啥人袂來心稀微
siánn-lâng buē lâi sim hi-bî
叫阮怎樣放袂記
kiò gún tsánn-iūnn pàng-buē-kì
你的純情義
lí ê sûn tsîng-gī
雖然心內愛慕你
sui-jiân sim-lāi ài-bōo lí
可惜毋敢來表示
khó-sioh m̄-kánn lâi piáu-sī
人生人生
jîn-sing jîn-sing
難免不如意
lân-bián put-jû-ì
咱兩人
lán nn̄g-lâng
從今以後
tsiông-kim í-āu
互相來鼓勵安慰
hōo-siong lâi kóo-lē an-uì
永遠不分開
íng-uán put hun-khui
永遠做著好伴侶
íng-uán tsuè tio̍h hó phuānn-lī
