艱苦講予啥人聽
《艱苦講予啥人聽》Kan-khóo Kóng Hōo Siánn-lâng Thiann
詹雅雯Tsiam Ngá-bûn
——————————————
酸鹹的目屎啊
sng-kiâm ê ba̍k-sái–ah
浸疼阮後悔的心肝
tsìm thiànn gún hiō-hué ê sim-kuann
你已經無像較早
lí í-king bô tshiūnn khah-tsá
遐真心愛我
hiah tsin-sim ài guá
你的態度眼神
lí ê thāi-tōo gán-sîn
洩漏你心聲
sia̍p-lāu lí sim-siann
新人做伴
sin-lâng tsuè-phuānn
我欲算啥
guá beh sǹg siánn
你敢有想過
lí kám ū siūnn kuè
會傷著我
ē siong-tio̍h guá
我傷心你假無看
guá siong-sim lí ké bô khuànn
哭聲你也假無聽
khàu-siann lí iā ké bô thiann
講過你為我
kóng kuè lí uī guá
會死也會活
ē sí iā ē ua̍h
真想袂到
tsin siūnn buē-kàu
前後變化遮爾大
tsîng-āu piàn-huà tsiah-nī tuā
怪我目睭無詳細看
kuài guá ba̍k-tsiu bô siông-sè khuànn
艱苦講予啥人聽
kan-khóo kóng hōo siánn-lâng thiann
