斷線的風吹

《斷線的風吹》Tn̄g-suànn ê Hong-tshue

方瑞娥Png Suī-ngôo

——————————————

女人心的愛

lú-jîn-sim ê ài

像一隻風吹

tshiūnn tsi̍t-tsiah hong-tshue

孤單踮佇半空中咧飛

koo-tuann tiàm-tī puànn-khong-tiong teh pue

飛到失落

pue kàu sit-lo̍h

無人揣

bô-lâng tshuē

風雲變色

hong-hûn piàn-sik

親像咧落雪

tshin-tshiūnn teh lo̍h-seh

啥人會為阮心疼難過

siánn-lâng ē uī gún sim thiànn lân-kuè

會講出心內痛苦一句話

ē kóng-tshut sim-lāi thòng-khóo tsi̍t-kù uē

風雨拍醒阮女人花

hong-hōo phah-tshínn gún lú-jîn hue

後悔已經變成

hiō-hué í-king piàn-sîng

斷線的風吹

tn̄g-suànn ê hong-tshue

啊~阮也甘願

ah~ gún iā kam-guān

看破一切

khuànn-phuà it-tshè

無愛痛苦第二回

bô-ài thòng-khóo tē-jī huê