無言的戲
《無言的戲》Bô-giân ê Hì
詹曼鈴Tsiam Bān-lîng
——————————————
夢中來搬一齣
bāng-tiong lâi puann tsi̍t-tshut
無言的戲
bô-giân ê hì
冷冷靜靜
líng-líng tsīng-tsīng
淡淡愁悲
tām-tām tshiû-pi
親像影片
tshin-tshiūnn iánn-phìnn
一幕一幕咧過去
tsi̍t-bōo-tsi̍t-bōo teh kuè-khì
目屎相添心酸滋味
ba̍k-sái sio-thinn sim-sng tsu-bī
起起落落人生
khí-khí-lo̍h-lo̍h jîn-sing
你我有無仝的運命
lí guá ū bô-kāng ê ūn-miā
緣份牽線
iân-hūn khan-suànn
咱做伙一生
lán tsò-hué it-sing
是幸抑是不幸
sī hīng ia̍h-sī put-hīng
多情無情的心
to-tsîng bô-tsîng ê sim
你我有無仝的角色
lí guá ū bô-kāng ê kak-sik
雖然分分合合的過程
sui-jiân hun-hun-ha̍p-ha̍p ê kuè-tîng
幸福用性命來完成
hīng-hok iōng sìnn-miā lâi uân-sîng
