袂當行到底
《袂當行到底》Buē-tàng Kiânn Kàu Té
詹曼鈴Tsiam Bān-lîng
——————————————
花謝落塗情份煞
hue siā lo̍h-thôo tsîng-hūn suah
一段感情疼一段
tsi̍t-tuānn kám-tsîng thiànn tsi̍t-tuānn
人去樓空疼心肝
lâng khì lâu khang thiànn sim-kuann
一个人等一个影
tsi̍t-ê-lâng tán tsi̍t-ê iánn
春去秋來緣份煞
tshun khì tshiu lâi iân-hūn suah
用心肝寫一个名
iōng sim-kuann siá tsi̍t-ê miâ
情深緣淺天註定
tsîng tshim iân tshián thinn tsù-tiānn
一場空是阮的命
tsi̍t-tiûnn khang sī gún ê miā
阮愛過阮恨過笑過
gún ài–kuè gún hūn–kuè tshiò–kuè
阮哭過嘛傷心過
gún khàu–kuè mā siong-sim–kuè
為按怎
uī án-tsuánn
這擺會跋甲遮狼狽
tsit-pái ē pua̍h kah tsiah liông-puē
有愛過
ū ài–kuè
才知影情債
tsiah tsai-iánn tsîng-tsè
為伊付出了代價
uī i hù-tshut liáu tāi-kè
偏偏阮愛的人
phian-phian gún ài ê lâng
袂當陪阮行到底
buē-tàng puê gún kiânn kàu té