新娘衫
《新娘衫》Sin-niû-sann
董育君Táng Io̍k-kun
——————————————
細漢幔著阿媽的蠓罩
sè-hàn mua tio̍h a-má ê báng-tà
將伊當做長長新娘衫
tsiong i tòng-tsuè tn̂g-tn̂g sin-niû-sann
穿著阿母的懸搭
tshīng tio̍h a-bú ê kuân-tah
畫胭脂紅帕帕
uē ian-tsi âng phà-phà
新娘夢對鏡逐工搬
sin-niû bāng tuì kiànn ta̍k-kang puann
新娘衫配白色的懸搭
sin-niû-sann phuè pe̍h-sik ê kuân-tah
今仔日阮郎君欲來娶
kin-á-ji̍t gún lông-kun beh lâi tshuā
一生交予你啦
it-sing kau hōo lí–lah
望你會將阮疼
bāng lí ē tsiong gún thiànn
永遠愛阮心頭定
íng-uán ài gún sim-thâu tiānn
新娘衫是女人的性命
sin-niû-sann sī lú-jîn ê sìnn-miā
新娘衫一生只有一領
sin-niû-sann it-sing tsí-ū tsi̍t-niá
新娘衫是阮愛的咒誓
sin-niû-sann sī gún ài ê tsiù-tsuā
心甘情願
sim kam tsîng guān
牽手綴你行
khan-tshiú tuè lí kiânn
女人一生
lú-jîn it-sing
縛著感情線
pa̍k tio̍h kám-tsîng-suànn
女人的心
lú-jîn ê sim
為愛咧生活
uī ài teh sing-ua̍h
望你做阮
bāng lí tsuè gún
幸福的靠岸
hīng-hok ê khò-huānn
心肝永遠
sim-kuann íng-uán
佮阮貼心肝
kah gún tah sim-kuann
